"Kristal Pelas"ın qapıçısı Valter Benites karyerasını yenidən Fransada davam etdirməyə yaxındır.

Prosport.Az xəbər verir ki, "Nice-Matin" nəşrinin məlumatına görə, 32 yaşlı argentinalı qolkiper keçidin baş tutması üçün hətta 2028-ci ilə qədər qüvvədə olan müqaviləsini ləğv etməyə və maaşında güzəştə getməyə razıdır.

Məlumata əsasən, Benitesin bu qərarının əsas səbəbi İngiltərə klubunda ehtiyat qapıçı rolunda qalmaq istəməməsidir.

Qeyd edək ki, Valter Benites 2016–2022-ci illərdə "Nitsa"nın formasını geyinib. O, Fransa klubunun heyətində 188 oyunda meydana çıxıb və 54 matçda qapısını toxunulmaz saxlayıb.