"Sabah” növbəti transferini gerçəkləşdirib.

Prosport.Az sportinfo.az-a istinadən xəbər verir ki, "bayquşlar" Qodfred Boakye ilə müqavilə imzalayıb.

Bu ilin fevral ayında “Birmingem”dən icarəyə götürülən 20 yaşlı mərkəz müdafiəçisi geridə qalan müddətdə əsas komandanın məşqlərində iştirak etsə də, “Sabah-2”nin şərəfini qoruyurdu.

Futbolçunun keyfiyyətləri Valdas Dambrauskasın qane etdiyindən, litvalı mütəxəssis gənc oyunçu ilə anlaşma imzalanmasını istəyib.

Belçikadan olan futbolçu üçün “Birmingem”lə aparılan danışlqlar müsbət nəticə verib. Tərəflər arasında müqavilə bağlanan sözləşmənin müddəti bəlli deyil.

Qeyd edək ki, "Sabah" yay fasiləsində heyətini Yunes Laşab, Junior Almeyda, Eyden Makkarti, Patrik Mbina, Rodriqo Fernandeş, Ksander Severina və Amin Ramazanovla gücləndirib.