"Zirə"nin müdafiəçisi Anje Mutsinzi Konfrans Liqasının I təsnifat mərhələsinin Gürcüstan təmsilçisi "Torpedo" (Kutaisi) ilə cavab oyunu ilə bağlı gözləntilərini bölüşüb.

Prosport.Az xəbər verir ki, o, mətbuat konfransında ilk matçdakı 3:0 hesablı qələbənin komandanın növbəti mərhələyə yüksəlməsinə zəmanət vermədiyini vurğulayıb:

"Yaxşı komanda ilə qarşılaşırıq. Təəssüf ki, ilk oyunda qələbə növbəti mərhələyə yüksəlməyimizi təmin etmir. Sona qədər mübarizə aparacağıq. İlk oyunun uğurlu nəticəsinə baxmayaraq, meydana yalnız qələbəni düşünərək çıxacağıq".

Bu komandalar arasındakı ilk matç 3:0 hesabı ilə “Zirə”nin xeyrinə başa çatıb.

“Torpedo” - “Zirə” oyunu iyulun 16-da, Bakı vaxtı ilə saat 20:00-da start götürəcək.