“Qarabağ” “Vestri” ilə oyunda komandanı İslandiyada dəstəkləmək istəyən azarkeşlərə müraciət edib.

Prosport.Az xəbər verir ki, klubun yaydığı açıqlamada bildirilib:

“UEFA Avropa Liqasının I təsnifat mərhələsi çərçivəsində keçiriləcək “Vestri” (İslandiya) – “Qarabağ” matçı zamanı “Throttarvöllur” stadionunda komandamızı dəstəkləmək istəyən azarkeşlərimiz oyun günü start fitindən 1 saat öncə stadionun “Away” sektorunun girişinin qarşısında biletlərin əldə edə bilərlər.

Biletlərin qiyməti 21 avrodur və bilet satışı yalnız nağd ödəniş üsulu ilə həyata keçiriləcək.

Bilet əldə etmək istəyən şəxslərdən xahiş olunur ki, şəxsiyyətini təsdiq edən sənəd üzərində olsun”.

Qeyd edək ki, “Vestri” – “Qarabağ” oyunu Bakı vaxtı ilə iyulun 17-si saat 00:00-da start götürəcək.