"İnter"in prezidenti Cüzeppe Marotta "Union"un yarımmüdafiəçisi Anan Xalailinin transferinin baş tutmamasının səbəbini açıqlayıb.

Prosport.Az xəbər verir ki, bu barədə italiyalı jurnalist Daniele Mari məlumat yayıb.

Marottanın sözlərinə görə, 21 yaşlı israilli futbolçu Milan klubunda tibbi müayinədən keçsə də, transfer İtaliya Milli Olimpiya Komitəsinin (CONI) qərarı səbəbindən rəsmiləşməyib.

“Bu xəbəri çox yaxın zamanda öyrəndik. Xalailinin keçidi ilə bağlı razılıq əldə olunmuşdu, lakin o, tibbi müayinədən keçə bilmədi. Məxfiliyə görə detalları açıqlaya bilmərəm, çünki İtaliyada səhiyyə ilə bağlı qanunlar çox sərtdir.

Bu, “İnter”in tibbi heyətinin qərarı deyil, İtaliya Milli Olimpiya Komitəsinin imtinasıdır. Bu, fors-major haldır və biz buna tabe olmağa məcburuq. Bu xəbəri böyük təəssüf hissi ilə çatdırıram, çünki bizi çox məyus etdi. İndi mümkün alternativlər barədə düşünməliyik”, – deyə Marotta bildirib.

Qeyd edək ki, Anan Xalaili 2024-cü ilin yayından Belçikanın "Union" klubunun formasını geyinir. O, ötən mövsüm ölkə çempionatında keçirdiyi 38 oyunda 3 qol vurub və 5 məhsuldar ötürmə ilə yadda qalıb.