İran millisinin baş məşqçisi Əmir Qalenoi ilə müqavilənin müddəti uzadılıb.

Prosport.Az xəbər verir ki, bu barədə İran Futbol Federasiyası məlumat yayıb.

Bildirilib ki, 61 yaşlı mütəxəssis 2027-ci ilin yanvarında Səudiyyə Ərəbistanında keçiriləcək Asiya Kubokunun sonuna qədər yığmaya rəhbərlik edəcək.

Qeyd edək ki, Əmir Qalenoi 2023-cü ildən İran millisinin baş məşqçisidir. Onun rəhbərliyi altında komanda DÇ-2026-nın qrup mərhələsində keçirdiyi hər üç oyunda heç-heçə edib və cüzi fərqlə pley-off mərhələsinə yüksəlmək şansını əldən verib.