Dünya çempionatının 1/4 final mərhələsində Norveç və İngiltərə milli komandaları arasında keçiriləcək oyun təxirə salına bilər.

Prosport.Az "Daily Mirror"a istinadən xəbər verir ki, matçın keçiriləcəyi Mayami şəhərində güclü bürkü qeydə alınır.

Proqnozlara əsasən, havanın temperaturu 29-32 dərəcəyə çatacaq, oyunun başlanğıcı zamanı isə hiss edilən temperatur 44 dərəcəyə qədər yüksələcək. Beynəlxalq Peşəkar Futbolçular Assosiasiyaları Federasiyası yerli temperatur 28 dərəcəni keçərsə, oyunların təxirə salınmasını və ya vaxtının dəyişdirilməsini tövsiyə edir.

Qeyd edək ki, matçın start fitinin Bakı vaxtı ilə iyulun 12-si saat 01:00-da səslənməsi nəzərdə tutulub. Bu qarşılaşmanın qalibi iyulun 12-də Bakı vaxtı ilə saat 05:00-da başlayacaq Argentina – İsveçrə duelinin güclüsü ilə oynayacaq.

ABŞ, Meksika və Kanadanın ev sahibliyi etdiyi dünya çempioatına iyulun 19-da yeun vurulacaq.