"Neftçi" Sloveniyadakı təlim-məşq toplanışı çərçivəsində 3-cü yoxlama matçına çıxıb.

Prosport.Az xəbər verir ki, paytaxt təmsilçisi "Radniçki" (Niş) klubu ilə üz-üzə gəlib.

Serbiya təmsilçisi ilə oyun "Neftçi"nin böyükhesablı qələbəsi ilə başa çatıb - 3:0. "ağ-qaralar"ın heyətində Breno Almeyda (2, 26) dubl edib. Digər qolu isə Ağadadaş Salyanski (82) vurub.

Qeyd edək ki, "Neftçi" bunadək "Partizan"a (Serbiya) 0:1, ÇFR-ə (Rumıniya) isə 1:2 hesabı ilə uduzub.