Seneqal millisinin ulduz hücumçusu Sadio Mane yığmadakı karyerasını başa vurduğunu açıqlayıb.

Prosport.Az xəbər verir ki, bu barədə "Le Quotidien" nəşri məlumat yayıb.

34 yaşlı futbolçu milli komanda ilə bağlı duyğularını bölüşərək ölkəsi üçün hər zaman əlindən gələni etdiyini bildirib:

"Bu bayraq naminə hər şeyimi qurban verdim. Bütün gücümü ortaya qoydum və ölkəm üçün sonadək mübarizə apardım. Azarkeşlərin dəstəyi uğurlarımın əsas hərəkətverici qüvvəsi olub. Topladığım təcrübəni bundan sonra da ölkəmin xeyrinə istifadə etməyə hazıram. Bu, məşqçilər korpusunda, ehtiyat oyunçular skamyasında və ya rəhbər vəzifədə ola bilər".

Qeyd edək ki, Sadio Mane Seneqal millisinin heyətində 130 oyuna çıxıb və 54 qola imza atıb. Seneqal yığması DÇ-2026-nın 1/16 final mərhələsində Belçikaya 2:3 hesabı ilə məğlub olaraq turnirlə vidalaşıb.