Bir neçə gün əvvəl "Qəbələ"dən ayrılan Seydina Keytanın yeni klubu müəyyənləşib.

Prosport.Az xəbər verir ki, 33 yaşlı seneqallı müdafiəçi Litvanın "Panevejis" klubuna transfer olunub. Klubun mətbuat xidməti futbolçu ilə 2 illik müqavilə imzalandığını açıqlayıb.

Keyta üçün bu komanda yad deyil. O, daha əvvəl 2022-2023 mövsümündə və 2025-ci ildə də "Panevejis"in formasını geyinib.

Xatırladaq ki, Seydina Keyta iyunun 21-də "Qəbələ" ilə yeni müqavilə imzalasa da, sonradan şəxsi problemlərini əsas gətirərək komandadan ayrılmaq istədiyini bildirib. Tərəflər arasında müqavilə qarşılıqlı razılıq əsasında ləğv olunub.

Qeyd edək ki, müdafiəçi 2026-cı ilin yanvarından "Qəbələ"də çıxış edib. O, bu müddətdə 19 oyunda meydana çıxaraq 3 qol vurub.