"Real" rəhbərliyi Vinisius Juniorun gələcəyi ilə bağlı yaxın həftələrdə yekun qərar verməyi planlaşdırır.

Prosport.Az xəbər verir ki, "ElNacional" nəşrinin məlumatına görə, Madrid klubu avqust ayına qədər braziliyalı futbolçu ilə yeni müqavilə barədə razılıq əldə olunmasa, onun transferinə icazə verilməsi variantını nəzərdən keçirəcək.

Hazırda Vinisiusun "Real"la müqaviləsinin müddəti 2027-ci ilin yayına qədər qüvvədədir.

Qeyd edək ki, 25 yaşlı hücumçu ötən mövsüm bütün turnirlərdə 53 oyunda meydana çıxaraq 22 qol vurub və 14 məhsuldar ötürmə edib.