"Qarabağ" 2026/27 mövsümü üçün növbəti transferini reallaşdırıb.

Prosport.Az xəbər verir ki, Macarıstanın "Ferentsvaroş" klubu ilə aparılan danışıqlar uğurla başa çatıb və Cebrail Makrekis Ağdam təmsilçisinin heyətinə cəlb olunub.

26 yaşlı sağ cinah müdafiəçisi ilə 3 illik müqavilə imzalanıb. O, 2029-cu ilin yayına qədər "Qarabağ"ın formasını geyinəcək və komandada 25 nömrəli forma ilə çıxış edəcək.

Anası latviyalı, atası Mərakeş kökləri olan türk olan futbolçu hazırda davam edən dünya çempionatında Misirin heyətində də çıxış edə bilərmiş. Lakin FIFA onda Latviya və Almaniya vətəndaşlıqları olduğu üçün buna icazə verməyib.

Almaniyada anadan olan Makrekis Leverkuzen "Bayer"inin yetirməsidir. O, peşəkar karyerası ərzində "Bonner", Dortmund "Borusiya"sı, Berlin "Viktoriya"sı, Bolqarıstanın "Pirin" (Blaqoevqrad) və Macarıstanın "Ferensvaroş" klublarında çıxış edib. Futbolçu 2018-ci ildə Latviyanın U-19 millisinin də formasını geyinib.

Qeyd edək ki, Cebrail Makrekis yay transfer pəncərəsində "Qarabağ"ın 8-ci transferi olub. Bundan əvvəl Jali Muaddib, Zakaria Savo, Samuel Lobatu, Bruno Lanqa, Martin Zlomisliç, Renaldo Sefas və Bense Varkonyi də Ağdam klubuna qoşulub.