Şotlandiyanın “Seltik” klubu “Qarabağ”ın hücumçusu Kamilo Duranı transfer etmək istəyir.

Prosport.Az Britaniyanın “Daily Record” nəşrinə istinadən xəbər verir ki, Qlazqo təmsilçisi kolumbiyalı futbolçunun keçidi ilə bağlı “Qarabağ”la yeni danışıqlara başlayıb.

Şotlandiya çempionunun 1,7 milyon funt sterlinq məbləğində ilk təklifi rədd edilsə də, tərəflər transferin reallaşması üçün müzakirələri davam etdirir. Ağdam klubu 24 yaşlı hücumçunun transferi üçün təxminən 3 milyon funt sterlinq tələb edir.

Kamilo Duranın meneceri danışıqları davam etdirmək məqsədilə Şotlandiyaya yollanıb.

Qeyd edək ki, kolumbiyalı futbolçu ötən mövsüm UEFA Çempionlar Liqasında keçirdiyi 10 oyunda 5 qol vuraraq diqqətləri üzərinə çəkib.