"Barselona"nın yarımmüdafiəçisi Mark Kasado karyerasını Səudiyyə Ərəbistanında davam etdirə bilər.

Prosport.Az xəbər verir ki, "Marca" nəşri "Əl-Hilal"ın 22 yaşlı ispaniyalı futbolçunun transferi üçün hərəkətə keçdiyini yazıb.

Bildirilib ki, transfer baş tutacağı təqdirdə, Kataloniya təmsilçisi bonuslarla birlikdə təxminən 30 milyon avro gəlir əldə edəcək.

Mənbənin iddiasına görə, "Barselona" iyulun 13-də start götürəcək yay təlim-məşq toplanışına qədər bu keçidi rəsmiləşdirməyə çalışır.

Qeyd edək ki, "Barselona" akademiyasının yetirməsi olan Mark Kasado ötən mövsüm bütün turnirlərdə 34 oyunda meydana çıxıb və 1 məhsuldar ötürmə ilə yadda qalıb. Onun klubla müqaviləsinin müddəti 2028-ci ilin yayına qədərdir.