Xorvatiya millisinin və "Milan"ın yarımmüdafiəçisi Luka Modriç karyerasını İtaliya klubunda davam etdirməyə yaxındır.

Prosport.Az xəbər verir ki, bu barədə "La Gazzetta dello Sport" nəşri məlumat yayıb.

Məlumata görə, "Milan" rəhbərliyi 40 yaşlı futbolçu ilə birbaşa əlaqə saxlayaraq onu yeni mövsümdə də komandada görmək istədiyini bildirib. Tərəflər yeni müqavilə imzalamağa hazırdır.

Bildirilir ki, baş məşqçi Ruben Amorimin Modriçə etdiyi zəng də qərarda mühüm rol oynayıb. Portuqaliyalı mütəxəssis təcrübəli yarımmüdafiəçini komandadakı layihəsinin vacib hissəsi kimi gördüyünü vurğulayıb.

Qeyd olunur ki, Modriç "Milan"ın təklifini qəbul etməyə meyllidir.

Qeyd edək ki, xorvatiyalı futbolçunun "Milan"la müqaviləsinin müddəti iyunun 30-da başa çatıb. O, 2025-ci ilin yayından etibarən "rossonyerlər"in formasını geyinir. Modriç ötən mövsüm bütün turnirlərdə 37 oyunda 2 qol vurub və 3 məhsuldar ötürmə edib.