DÇ-2026-nın 1/16 finalında Avstraliya ilə keçiriləcək oyun üçün Dallasa gələn Misir millisinin düşərgəsində insident yaşanıb.

Prosport.Az xəbər verir ki, bu barədə "Diario AS" nəşri məlumat yayıb.

Bildirilib ki, futbolçular otelin foyesindən keçərkən bir neçə azarkeş komandaya yaxınlaşmağa çalışıb. Misir millisinin baş məşqçisi Hossam Hassan polisin bir uşağın futbolçularla şəkil çəkdirməsinə icazə verməməsinə etiraz edib.

Məlumata görə, bu səbəbdən baş məşqçi ilə polis əməkdaşları arasında əvvəlcə sözlü mübahisə yaranıb. Daha sonra təhlükəsizlik xidməti əməkdaşları, məşqçilər korpusu və bəzi futbolçular arasında qarşılıqlı itələşmə baş verib.

Nəticədə Hossam Hassan hadisə yerindən uzaqlaşdırılıb. Hadisədən sonra çox sayda azarkeş də Misir millisinin futbolçuları ilə görüşə bilməyib.

Qeyd edək ki, Avstraliya – Misir oyunu bu gün keçiriləcək. Qarşılaşma Bakı vaxtı ilə saat 21:00-da start götürəcək.