Türkiyənin “Göztəpə” klubu “Qarabağ”ın müdafiəçisi Elvin Cəfərquliyevin transferində israrlıdır.

Prosport.Az yerli mətbuata istinadən xəbər verir ki, Superliqa təmsilçisi sol cinahdakı boşluğu Azərbaycan millisinin üzvü ilə doldurmağı planlaşdırır.

Bildirilir ki, “Göztəpə” növbəti mövsüm avrokuboklara vəsiqə uğrunda mübarizə aparmağı hədəfləyir. Klub rəhbərliyi həm milli komandada, həm də “Qarabağ”da beynəlxalq təcrübə qazanan 25 yaşlı Elvin Cəfərquliyevin heyəti gücləndirəcəyinə inanır.

Lakin transferin baş tutması üçün ilk növbədə “Qarabağ”ın razılığı tələb olunur. Müdafiəçinin Ağdam klubu ilə müqaviləsinin müddəti 2027-ci ilin yayına qədər qüvvədədir.