Kriştiano Ronaldo DÇ-2026-nın 1/16 final mərhələsində Xorvatiya üzərində qazanılan 2:1 hesablı qələbədən sonra rəqib komandanın yarımmüdafiəçisi Luka Modriçlə aralarında baş tutan söhbətdən danışıb.

Prosport.Az xəbər verir ki, uzun illər Madrid "Real"ında birlikdə çıxış edən Ronaldo sabiq komanda yoldaşına xoş sözlər söylədiyini bildirib.

"Mən uzun illər Modriçlə birlikdə oynamışam. Onun hələ də belə yüksək səviyyədə çıxış etməsini görmək çox xoşdur. Oyundan sonra Modriçə dedim: "Təbrik edirəm, Luka. Karyeranın davamında uğurlar".

Qeyd edək ki, Kanadanın Toronto şəhərində yerləşən "BMO Field" stadionunda keçirilən Portuqaliya – Xorvatiya görüşü portuqalların 2:1 hesablı qələbəsi ilə başa çatıb.