Almaniya millisinin baş məşqçisi Yulian Naqelsmann vəzifəsindən ayrılıb.

Prosport.Az xəbər verir ki, bu barədə Almaniyanın "Bild" nəşri məlumat yayıb.

Məlumata görə, qərar Almaniya yığmasının DÇ-2026-da uğursuz çıxışından sonra qəbul edilib. Komanda 1/16 finalda Paraqvayla əsas və əlavə vaxtı 1:1 hesabı ilə başa çatan görüşün penaltilər seriyasında 3:4 hesabı ilə məğlub olaraq mundialla vidalaşıb.

Xəbərdə bildirilir ki, Almaniya Futbol İttifaqının təklif göndərəcəyi təqdirdə, Yurgen Klopp milli komandaya rəhbərlik etməyə hazırdır.

Qeyd edək ki, 38 yaşlı Yulian Naqelsmann Almaniya millisini 2023-cü ildən çalışdırırdı. O, məşqçilik karyerası ərzində "Hoffenhaym", "Leyptsiq" və "Bavariya" klublarına da rəhbərlik edib.