"Təlim-məşq toplanışında ilk yoxlama görüşümüz idi. Bunadək yalnız öz aramızda ikirətəfli oyun keçirmişdik. Çalışdıq ki, futbolçuların çoxuna şans verək, mümkün qədər hamını iş başında görək".

Prosport.Az xəbər verir ki, bunu "Neftçi"nin baş məşqçisi Yuri Vernidub Sloveniyadakı təlim-məşq toplanışında Rumıniyanın "ÇFR Kluj" komandasına 1:2 hesabı ilə uduzduqları ilk yoxlama oyunundan sonra klubun rəsmi saytına açıqlamasında deyib. 

Ukraynalı mütəxəssis fərqli hissələrin alındığını bildirib: "Gənc oyunçulara da şans verdik. Ümumilikdə oyundan razı qaldım. Rəqibimiz güclü və keyfiyyətli komanda idi. Bəzi səhvlərin üzərində işləyəcəyik, getdikcə artıracağıq. Növbəti oyunlarda daha fərqli, sürətli və hərəkətli komanda görəcəyik”.

Vernidub zədəlilərin durumundan da söz açıb: "Breno Almeydanın belində yüngül narahatlığı var idi, bu səbəbdən meydana buraxmadıq. Alessio Kurçi isə matç zamanı çiynindən zədələndi, vəziyyəti indi qiymətləndirilir".