Türkiyənin "Qalatasaray" klubunda çıxış edən Kazımcan Karataş beynəlxalq karyerası ilə bağlı qərar verib.

Prosport.Az "HT Spor"a istinadən xəbər verir ki, Türkiyə millisindən dəvət almayan futbolçu Şimali Makedoniya yığmasının təklifini qəbul edib.

Beləliklə, 23 yaşlı sol cinah müdafiəçisi beynəlxalq arenada bundan sonra Şimali Makedoniya millisinin formasını geyinəcək.

Qeyd edək ki, Kazımcan Karataş daha əvvəl Türkiyənin U-17, U-19 və U-21 yığmalarında çıxış edib. Onun yaxın vaxtlarda Şimali Makedoniya millisinin təlim-məşq toplanışına qoşulacağı və rəsmi oyunlarda debüt edəcəyi gözlənilir.