"Arsenal"ın müdafiəçisi Yakub Kivyor karyerasını Portuqaliyanın "Portu" klubunda davam etdirəcək.

Prosport.Az xəbər verir ki, bu barədə London təmsilçisinin mətbuat xidməti açıqlama yayıb.

Bildirilib ki, ötən mövsümü icarə əsasında "Portu"da keçirən 26 yaşlı polşalı müdafiəçi ilə 2030-cu ilin yayına qədər müqavilə imzalanıb. Beləliklə, Portuqaliya klubu futbolçunun satınalma hüququndan istifadə edib.

Xatırladaq ki, Yakub Kivyor 2023-cü ilin qışında İtaliyanın "Spetsiya" klubundan "Arsenal"a transfer olunmuşdu. O, London təmsilçisinin heyətində keçirdiyi 68 oyunda 3 qol vurub və 5 məhsuldar ötürmə ilə yadda qalıb.