UEFA Avropa Liqasının I təsnifat mərhələsində keçiriləcək “Qarabağ” (Azərbaycan) – “Vestri” (İslandiya) matçının hakim təyinatları müəyyənləşib.

Prosport.Az xəbər verir ki, iyulun 9-da Bakıdakı Tofiq Bəhramov adına Respublika stadionunda keçiriləcək qarşılaşmanı Moldovadan olan hakimlər briqadası idarə edəcək. Baş hakim Roman Jitar, yan xətt hakimləri Vlad Lifçu və Vadim Vikol, 4-cü hakim Andrey Brequtse olacaq. VAR hakimi İsveçrədən Luka Çibelli, AVAR hakimi isə Anoen Kanaqasinqam təyin edilib.

Görüş saat 20:00-da başlayacaq.

Bu komandaların iyulun 16-da Reykyavikdəki “Trouttarvöllur” stadionunda keçiriləcək cavab qarşılaşması isə Çexiyadan olan hakimlər briqadasına tapşırılıb. Baş hakim Marek Radina olacaq. Ona yan xətt hakimləri Kamil Hayek və Petr Kotalik kömək edəcəklər. 4-cü hakim funksiyasını Daniel Vokoun yerinə yetirəcək.

VAR hakimi Tomaş Koçourek, AVAR hakimi isə Ondrjey Berka olacaq.

Qeyd edək ki, “Vestri” – “Qarabağ” görüşü Bakı vaxtı ilə saat 00:00-da başlanacaq.