Elvin Cəfərquliyevin "Qarabağ"dan ayrılmaq ehtimalı hələ də yüksəkdir.

Prosport.Az azerisport.com-a istinadən xəbər verir ki, "Sumqayıt"ın sabiq baş məşqçisi Saşa İliçin rəhbərlik etdiyi Serbiyanın "Partizan" klubunun marağından əlavə, 25 yaşlı futbolçu Türkiyə Superliqasında çıxış edən "Göztəpə"dən də təklif alıb.

Lakin hazırda "Qarabağ"ın heyətində Avstriyada təlim-məşq toplanışında olan futbolçu yekun qərarını cari komandadakı rolunun necə olacağını öyrəndikdən sonra verəcək.

Qeyd edək ki, aprel ayında Elvin Cəfərquliyev intizamsızlıq səbəbindən baş məşqçi Qurban Qurbanov tərəfindən mövsümün sonuna qədər əsas komandadan uzaqlaşdırılmışdı. Lakin sonradan bağışlanan futbolçu hazırda komanda ilə birlikdə Avstriyada yeni mövsümə hazırlaşır.

Onun "Qarabağ"la müqaviləsi növbəti mövsümün sonuna qədər qüvvədədir.