Futbol üzrə dünya çempionatında Braziliya millisi Yaponiyanı məğlub edib.

Prosport.Az xəbər verir ki, Hyuston stadionunda keçirilən 1/16 final mərhələsinin matçında Cənubi Amerika təmsilçisi 2:1 hesablı qələbəyə sevinib.

Görüşdə hesabı yaponlar açıb. 29-cu dəqiqədə Kaysyu Sano fərqlənib. Lakin 2-ci hissədə toparlanan "sambaçılar" Kazemiro (56) və Qabriel Martinellinin (90+5) qolları ilə əzmkar qələbəyə sevinib.

Bu nəticə ilə 1/8 finala yüksələn Braziliyanın növbəti rəqibi Fil Dişi Sahili – Norveç cütünün qalibi olacaq.