Braziliya millisinin vingeri Vinisius Junior və Fransa yığmasının hücumçusu Kilian Mbappe DÇ-2026-nın qrup mərhələsində maraqlı statistik göstərici ilə diqqət çəkiblər.

Prosport.Az xəbər verir ki, "Squawka"ya istinadən xəbər verir ki, hər iki futbolçu ilk üç turda rəqib cərimə meydançasında 27 dəfə topa toxunaraq bu göstəricidə turnirin lideri olub.

Vinisius qrup mərhələsində 4 qol və 1 məhsuldar ötürmə, Mbappe isə 4 qol və 2 məhsuldar ötürmə ilə yadda qalıb. Fransa millisinin hücumçusu məhsuldarlıq göstəricisinə görə Lionel Messi ilə birlikdə ilk pilləni bölüşür.

Rəqib cərimə meydançasında ən çox topa toxunan digər futbolçuların siyahısı:

Kenan Yıldız (Türkiyə) – 26 toxunuş

Conatan Devid (Kanada) – 26 toxunuş

Mikel Oyarzabal (İspaniya) – 25 toxunuş

Bril Embolo (İsveçrə) – 23 toxunuş

Camal Musiala (Almaniya) – 21 toxunuş

Cud Bellinqem (İngiltərə) – 20 toxunuş

Kay Haverts (Almaniya) – 20 toxunuş

Yan Diomande (Kot-d'İvuar) – 20 toxunuş.