Cənubi Koreya prezidenti Li Çje Myon futbol üzrə milli komandanın DÇ-2026 ilə erkən vidalaşmasından sonra yığmanın rəhbərliyini sərt tənqid edib.

Prosport.Az xəbər verir ki, dövlət başçısı "X" sosial şəbəkəsində etdiyi paylaşımda uğursuzluğun əsas səbəbinin idarəçilik problemləri olduğunu bildirib.

"Nəhayət, hər şeyin təməlində insan amilinin dayandığı bir daha sübut olundu. Qohumbazlıq və qruplaşmalar səriştədən üstün tutularsa, qeyri-peşəkar insanlar rəhbər vəzifələrə təyin edilir və uğursuzluq qaçılmaz olur. Vətəndaşlarımızda böyük məyusluq yaradan dünya çempionatındakı bu uğursuzluq təşkilati və idarəçilik səhvlərinin nəticəsidir."

Qeyd edək ki, Cənubi Koreya millisi DÇ-2026-nın A qrupunda topladığı 3 xalla üçüncü yeri tutaraq turnirlə vidalaşıb.