Türkiyə Futbol Federasiyası (TFF) Vinçenso Montellanın milli komandanın baş məşqçisi postunda qalmasına qərar verib.

Prosport.Az "Takvim" nəşrinə istinadən xəbər verir ki, TFF rəhbərliyi ilə italiyalı mütəxəssis arasında milli komanda ilə bağlı bir sıra dəyişikliklər barədə razılıq əldə olunub.

Bildirilib ki, 52 yaşlı çalışdırıcı vəzifəsini qoruyacaq, lakin onun məşqçilər korpusunda müəyyən dəyişikliklər ediləcək.

Qeyd edək ki, Türkiyə millisi DÇ-2026-nın qrup mərhələsində Avstraliyaya 0:2, Paraqvaya isə 0:1 hesabı ilə məğlub olaraq pley-off mərhələsinə yüksələ bilməyib. Komanda son turda ABŞ üzərində 3:2 hesablı qələbə qazansa da, bu nəticə növbəti mərhələyə vəsiqə üçün kifayət etməyib.