"Qarabağ" Avstriyadakı təlim-məşq toplanışı çərçivəsində yerli "Tirol"la keçirilən yoxlama matçında 4:0 hesablı qələbə qazanıb.

Prosport.Az xəbər verir ki, matçda het-trik edən Ağdam təmsilçisinin yeni transferi Zakaria Savo təəssüratlarını bölüşüb:

"Özümü yaxşı hiss edirəm. Yaxşı oyun oynadığımızı düşünürəm. Bir qədər yavaş başladıq. Amma 2-ci hissədə yaxşı oynadıq. Vurduğum qollar üçün çox xoşbəxtəm".

O, yeni mövsümə hazırlığı da dəyərləndirib: "Bakıda hazırlığımıza yaxşı başladıq. İndi burada Avstriyadayıq. Yaxşı hiss edirəm. Yeni komanda yoldaşlarımla burada olmaq gözəl hissdir. Məncə, hər şey çox yaxşıdır".

Savo sonda azarkeşlərə müraciət edib: "Avrokuboklarda əsas mərhələyə vəsiqə qazanmaq üçün əlimizdən gələnin ən yaxşısını edəcəyik. Bütün azarkeşlərimizlə Bakıda görüşmək üçün çox səbirsizlənirəm".