"Neftçi" 2026/27 mövsümü üçün ev formasını ictimaiyyətə təqdim edib.

Prosport.Az xəbər verir ki, "Əfsanə zolaqlı" adını daşıyan yeni oyun dəsti "Neftçi"nin 90 illik tarixinə ehtiram əlaməti olaraq əfsanəvi ağ-qara zolaqlı dizaynı yenidən əsas ev forması kimi geri qaytarır.

"Kappa" tərəfindən xüsusi olaraq "Neftçi" üçün hazırlanan formada klassik ağ-qara dizayn üstünlük təşkil edir. Boyun hissəsində isə klubun 90 illik yubileyinə həsr olunmuş xüsusi loqo yer alıb. Bu detal "Neftçi"nin zəngin tarixini və yubiley mövsümünün rəmzini özündə əks etdirir.