"Neftçi"nin sabiq futbolçusu Kilian Lebon karyerasını yenidən Azərbaycanda davam etdirməyəcək.

Prosport.Az Sport24.az-a istinadən xəbər verir ki, 28 yaşlı vinger agentlər vasitəsilə Azərbaycan Premyer Liqası klublarına təklif edilsə də, ona təqdim olunan maliyyə şərtlərini qaneedici hesab etmədiyi üçün bu variantdan imtina edib.

Cənubi Koreyanın "Ceonnam Draqons" klubundan ayrılan fransalı futbolçu karyerasını həmin ölkədə davam etdirmək qərarına gəlib. Onun "Suvon Samsung Bluvings" klubu ilə razılıq əldə etdiyi bildirilir.

Qeyd edək ki, Kilian Lebon 2023-2025-ci illərdə "Neftçi"nin formasını geyinib və bu müddətdə komandanın əsas hücumçularından biri olub.