"Neftçi" yeni mövsümə hazırlığın ilk mərhələsini başa vurub.

Prosport.Az xəbər verir ki, sonuncu gündə baş məşqçi Yuri Vernidub komandanın üzvlərini "Palms Sports" Futbol Mərkəzində keçirilən ikitərəfli oyunda sınayıb.

Hərəsi 30 dəqiqədən ibarət olan 2 hissəli oyunda baş məşqçinin ixtiyarında olan bütün futbolçular, o cümlədən əvəzedici komandadan cəlb edilmiş oyunçular forma geyinib.

Təlim-məşq toplanışının 2-ci mərhələsi iyunun 29-dan iyulun 14-dək Sloveniyanın Moravske Toplitse şəhərində təşkil olunacaq. "Ağ-qaralar" həmin müddət ərzində 4 yoxlama görüşü keçirəcək.