Futbol üzrə dünya çempionatında Fransa millisi Norveçi məğlub edib.

Prosport.Az xəbər verir ki, Boston stadionunda baş tutan I qrupunun III turunun matçında fransalılar liderlik uğrunda matçda 4:1 hesablı qələbəyə sevinib.

Qalib gələn komandanın qollarını Usman Dembele (7, 20, 32) və Dezire Due (90+4) vurub. Ehtiyat heyətlə meydana çıxmış Norveçdən isə Tele Osqor (21) fərqlənib. Bununla da Norveçin 12 rəsmi oyunda qələbə seriyası qırılıb.

Qeyd edək ki, qrupu 2-ci pillədə başa vuran Norveç pley-off mərhələsində Fil Dişi Sahili kollektivi ilə üz-üzə gələcək. Fransanın rəqibi isə F və G qruplarında 3-cü yeri tutmuş komanda olacaq. Yalnız F qrupunda 3-cü yeri tutan komanda bəllidir. Bu, İsveçdir.