Həvəskarlar Liqasında mübarizə aparan "Şəfa" yenidən fəaliyyətini dayandırıb.

Prosport.Az sportinfo.az-a istinadən xəbər verir ki, Nadir Qasımovun prezidenti, Vüqar Nadirovun baş məşqçisi olduğu klub bir daha tarixin "arxiv"inə yollanıb.

Buna kluba maliyyə dəstəyi verməyi öz üzərinə götürmüş biznesmenin işləri yarımçıq dayandırıb iddiasından geri çəkilməsi səbəb olub.

Tərəflər arasında ciddi fikir ayrılıqlarının əmələ gəldiyi deyilir. Güman ki, bu, klubun təsisçilik payı ilə bağlıdır.

Ortada müəyyən anlaşılmazlıqlar olduğundan, hər şey yarımçıq qalıb. Halbuki Qarabağ bölgəsini təmsil edən komandanın yaxın gələcəklə əlaqəli ciddi planlarından danışılırdı. Belə ki, "Şuşa" növbəti mövsümdə Region Liqasında yarışmalı, II Liqaya vəsiqə qazanmağa çalışmalı idi.

Artıq futbolçuların hərəsi bir yerə dağılıb. Hamının nəzərinə çatdırılıb ki, borcların ödənilməsindən əllərini üzsünlər, o da olmayacaq.