"Qarabağ"ın futbolçusu Bəhlul Mustafazadə müalicəsini və fərdi reabilitasiya proqramını xaricdə davam etdirir.

Prosport.Az xəbər verir ki, aparılan müayinələrin nəticələrinə əsasən, xroniki simfizit (osteitis pubis) diaqnozu (qasıq nahiyəsində xroniki zədə) qoyulan müdafiəçinin vəziyyəti mütəmadi olaraq nəzarətdə saxlanılır və bərpa prosesi plan üzrə davam edir.

Əvvəlki zədə ilə bağlı əməliyyatdan sonrakı bərpa prosesi tam normal gedir və həmin nahiyə üzrə hər hansı narahatlıq və ya problem qeydə alınmayıb. Futbolçunun meydanlara qayıdışının təxminən 5 həftə ərzində baş tutacağı gözlənilir. Bəhlul Mustafazadənin qayıdış vaxtı funksional qiymətləndirmənin nəticələrinə əsasən dəqiqləşəcək.