Patrik Andrade yenidən Azərbaycana üz tutub.

Prosport.Az sportinfo.az-a istinadən xəbər verir ki, Kabo-Verdedən olan legioner bir neçə başqa ölkədən təklif alsa da, “Araz-Naxçıvan”da qalmağa üstünlük verib.

33 yaşlı yarımmüdafiəçi növbəti mövsümü də burada keçirəcək.

2020-2025-ci illər aralığında “Qarabağ“ın formasını geyinmiş afrikalı ötən yay “ağ-qırmızılar“la 1+1 illik müqavilə imzalayıb. Həmin razılaşmaya əsasən, kontraktın uzadılıb-uzadılmaması futbolçunun özündən asılıdır. Andrade maddi amilləri əsas götürüb. O, bütün variantları götür-qoy edib, “Araz“dan getməklə böyük miqdarda pul itirəcəyinin fərqinə varıb.

Çünki təklif göndərən klubların heç biri ona illik 300 min dollar ödəməyə razılaşmayıb. Naxçıvan təmsilçisində isə bu məbləğ hazırdır - sənəddə göstərilib.

Komanda rəhbərliyi çox çalışsa da, futbolçu geri addım atmayıb. Bu isə “Araz“ üçün böyük yükdür.