Azərbaycan şahmatçısı Teymur Rəcəbov FIDE reytinqindən çıxarılıb.

Prosport.Az-ın xəbərinə görə, son açıqlanan reytinqdə 2019-cu ildə Dünya Kubokunun qalibi olmuş Rəcəbov yer almayıb.

Azərbaycanın kişi şahmatçılarından yalnız Şəhriyar Məmmədyarov, Qədir Hüseynov, Arkadi Naydiç və Nicat Abbassov orada var.

Bunun səbəbi isə son vaxtlar Teymurun yarışlarda iştirak etməməsidir. Bakıda keçirilən Dünya Kubokunda iştirak etdiyindən, onun adı sentyabrın 1-də açıqlanacaq yeni reytinq cədvəlində yer alacaq.

Qeyd edək ki, Teymur Rəcəbov Dünya Kubokunun 1/32 finalında ispaniyalı Xayme Santos Latasaya uduzaraq mübarizəni erkən dayandırıb.