Argentina millisinin üzvləri komandanın kapitanı Lionel Messiyə ad günü sürprizi hazırlayıblar.

Prosport.Az xəbər verir ki, iyunun 24-də dünya futbolunun ulduzlarından olan Lionel Messinin 39 yaşı tamam olub. Argentina millisinin futbolçuları təcrübəli hücumçunu ad günü münasibətilə təbrik ediblər.

Messi sosial şəbəkə hesabında komanda yoldaşları ilə çəkdirdiyi şəkli paylaşaraq bunları yazıb:

"Ötən gecəyə xoş bir sürprizlə başladıq. Təşəkkürlər!"

Qeyd edək ki, Lionel Messi DÇ-2026-nın qrup mərhələsində parlaq çıxışı ilə diqqət çəkib. O, Əlcəzairlə görüşdə (3:0) het-trikə imza atıb, Avstriya ilə qarşılaşmada isə (2:0) dubl müəllifi olub.

Messinin uğurlu oyunu Argentina millisinin vaxtından əvvəl pley-off mərhələsinə yüksəlməsində mühüm rol oynayıb.

Argentina yığması qrup mərhələsinin son turunda iyunun 28-də İordaniya millisi ilə üz-üzə gələcək.