Futbol üzrə dünya çempionatının qrup mərhələsində II tura yekun vurulub.

Prosport.Az xəbər verir ki, L qrupunda Xorvatiya Panama millisi ilə qarşılaşıb. Toronto stadionunda keçirilən matçda avropalılar 1:0 hesablı qələbəyə seviniblər. Yeganə qolun müəllifi 54-cü dəqiqədə Ante Budimir olub.

Bu məğlubiyyətdən sonra Panamanın qrupdan çıxmayacağı dəqiqləşib. "Turan Tovuz"un müdafiəçisi Roderik Miller bu görüşdə də ehtiyatda qalıb.

Digər görüş isə K qrupunda Kolumbiya və Konqo Demokratik Respublikası yığmaları arasında baş tutub. Qvadalxara stadionunda oynanılan qarşılaşma Cənubi Amerika təmsilçisinin 1:0 hesablı qələbəsi ilə yekunlaşıb. Yeganə qolu 76-cı dəqiqədə Daniel Munyos vurub.

Bununla da 6 xalı olan Kolumbiya millisi pley-offa vəsiqəni vaxtından əvvəl təmin edib.