"Əsas hədəfim "Qarabağ"la Azərbaycan çempionu olmaq idi. Amma son mövsümdə bunu əldən qaçırdıq".

Prosport.Az xəbər verir ki, bu sözləri "Qarabağ"ın kolumbiyalı hücumçusu Kamilo Duran jurnalistlərə açıqlamasında deyib.

O, növbəti hədəflərindən də söz açıb: "Qarşıdakı məqsədlərim komandamla Avropa Liqasının əsas mərhələsinə yüksəlmək və Kolumbiya millisinə dəvət almaqdır. Dünya çempionatını izləyirəm və favoritim Kolumbiya millisidir. Əslində mənim adım yığmanın geniş heyətində var idi. Sonradan səbəbini bilmədən məşqçilərin qərarı ilə adım siyahıdan çıxarıldı. Amma hazırkı hədəfim millidə oynamaqdır. Hamı özünü millidə görmək istəyir. Bu dəfə qismət olmadı. Ancaq ümid edirəm ki, qarşıdakı böyük turnirlər üçün yığmaya dəvət alacağam".

Duran ölkəsinin DÇ-2026-dakı şanslarını da dəyərləndirib: "Əlbəttə ki, komandama azarkeşlik edirəm. Düzdür, milli üçün çətin turnirdir. Ümid edirəm ki, yaxşı mundial keçirəcəyik"

O, Zakaria Savonun transferindən sonra cinahda oynadılmasına belə münasibət göstərib: "Bura gəlmədən öncə cinah hücumçusu kimi oynayırdım. Amma "Qarabağ"a gələndən sonra vəziyyət elə gətirdi ki, mərkəz hücumçusu rolunda çıxış etməyə başladım. Əslində hər biz mövqe üçün hazır olmalıyıq. Mövsümöncəsi hazırlıqlar da bunun üçün vacibdir".

Kamilo Duran Avropa Liqasındakı rəqib barədə də danışıb: "Elə bir məlumatım yoxdur. Onları analiz etmək üçün vaxtımız olacaq. Ümid edirəm ki, mərhələ keçən tərəf biz olacağıq".

O, ayrılması ilə bağlı yazılardan da danışıb: "Komanda ilə müqaviləm var. Bütün fikrim-zikrim burdadır. Baş məşqçi də məni komandada görmək istəyir. Hazırkı vəziyyətdə harasa getməyimlə bağlı nəsə yoxdur.