"Zirə" yeni transferi Maykon Kleytonun keçidi üçün xərc çəkməyib.

Prosport.Az Portuqaliya mətbuatına istinadən xəbər verir ki, 27 yaşlı qapıçı Premyer Liqa təmsilçisinə sərbəst futbolçu kimi keçib.

Düzdür, braziliyalı qolkiperin "Portimonense" ilə müqavilə müddəti davam edirdi. Lakin Kleyton əsas heyətin daimi üzvü olmadığından, portuqaliyalılar onunla müqaviləyə xitam verməyə razı olublar. Nəticədə qolkiper "Zirə"yə havayı başa gəlib.

Qeyd edək ki, Maykon Kleyton "Zirə" ilə 2 illik müqavilə bağlayıb.