Futbol üzrə dünya çempionatında Fransa İraq millisini məğlub edib.

Prosport.Az xəbər verir ki, Filadelfiya stadionunda keçirilən I qrupunun II turunun matçında avropalılar 3:0 hesabı ilə qələbə qazanıb.

Fransanın heyətində Kilian Embappe (14, 54) yenə dublla yadda qalıb. Yekun nəticəni müəyyənləşdirən qolu isə 66-cı dəqiqədə Usman Dembele vurub.

Bununla da Fransa Meksika, ABŞ, Almaniya və Argentinanın ardından adını pley-offa yazdıran 5-ci komanda olub. İraq isə 2 matçda uduzsa da, Norveç – Seneqal matçının nəticəsinə uyğun olaraq, qrup 3-cüsü kimi pley-off şansını qoruyub saxlayacaq.

Qeyd edək ki, matçın ilk hissəsi başa çatdıqdan sonra uzun fasilə yaranıb. Qarşılaşmanın 2-ci hissəsinin startı şiddətli yağış və ildırım səbəbindən təxminən 2 saata yaxın ləngiyib. Yağışın şiddəti azaldıqdan sonra matç yenidən davam etdirilib.

02:15

Futbol üzrə dünya çempionatının Fransa – İraq oyununda 2-ci hissə təxirə salınıb.

Prosport.Az xəbər verir ki, Filadelfiya stadionunda keçirilən I qrupunun II turunun matçında avropalılar hesabda öndədirlər - 1:0.

14-cü dəqiqədə Kilian Embappe adını tabloya yazdırıb.

Qarşılaşmanın 2-ci hissəsi şiddətli yağış və ildırım səbəbindən başlamayıb. Matçda təxmini 30 dəqiqəlik fasilə elan edilib. Yağışın şiddəti azaldıqdan sonra matçın yenidən davam etməsi planlaşdırılır. İldırım təhlükəsinə görə azarkeşlərdən tribunaları tərk etmələri xahiş olunub.