"Mövlud Mirəliyevin sizin saytınıza verdiyi məlumatı oxuduq. Niyə belə deməsi bizə də maraqlı gəldi".

Bunu Prosport.Az-a AFFA-nın mətbuat xidmətinin rəhbəri Elnur Məmmədli bildirib.

Onun sözlərinə görə, "Dinamo" məhz Daxili İşlər Nazirliyinin nəzdində fəaliyyət göstərən komandadır: "Bu "Dinamo" dəqiq Daxili İşlər Nazirliyinə tabe olan, həmin qurum tərəfindən təşkil olunmuş komandadır. Hərbi xidmət zamanı Daxili Qoşunlara düşən futbolçular məhz bu komandada oynamaq imkanı əldə edəcək".

Qeyd edək ki, DİN İdman Cəmiyyətinin sədri, polis polkovnik-leytenantı, cüdo üzrə Olimpiya mükafatçısı Mövlud Mirəliyev "Dinamo" futbol komandasının II Liqada çıxış etməsindən xəbərinin olmadığını bildirib.