"Mənim "Dinamo"nun Azərbaycan çempionatına buraxılmasından xəbərim yoxdur".

Bu barədə Prosport.Az saytına Daxili İşlər Nazirliyi İdman Cəmiyyətinin rəisi Mövlud Mirəliyev bildirib.

Onun sözlərinə görə, futbol üzrə II Liqada çıxış edəcək "Dinamo"nun cəmiyyətlə heç bir əlaqəsi yoxdur: "AFFA "Dinamo"nu yarışa buraxdı artıq? Bizimlə heç bir əlaqəsi yoxdur".

Onda sual doğur: AFFA-nın bu gün "Dinamo" adı ilə II Liqaya buraxdığı komanda hansı quruma və ya şirkətə tabedir? AFFA baş katibi Sərxan Hacıyev İcraiyyə Komitəsinin məlum son iclasından sonra mediaya açıqlamasında bu komandanın həqiqi hərbi xidmətdə olan futbolçuların eniş yaşamamaları üçün onlara dəstək olacağını bildirib. Əgər bu "Dinamo" bizim bildiyimiz "Dinamo" deyilsə, necə və nə cür, hansı şərtlər, hansı güzəştlərlə hərbçi futbolçulara kömək edəcək?

Qarşı tərəfin fikrini də öyrənəcəyik.