Azərbaycan idmançısı Tahir Abdullayevin Mütləq Döyüş Çempionatının (UFC) Bakıda keçiriləcək turnirində iştirak edəcəyi dəqiqləşib.

Prosport.Az xəbər verir ki, UFC ilə müqavilə imzalamış "Tank" ləqəbli idmançının rəqibi də bəllidir. 

Yarımorta çəki dərəcəsində döyüşçünün rəqibi braziliyalı Jeferson Naşimento olacaq. O da Tahir Abdullayev kimi UFC-də debüt edəcək. "Todinyo" ləqəbli Naşimento indiyədək MMA-da uduzmayıb, 13 qələbə qazanıb.

Xatırladaq ki, bu il "UFC Fight Night" iyunun 27-də Milli Gimnastika Arenasında baş tutacaq. Gecənin əsas döyüşündə Rafael Fiziyev yüngül çəkidə meksikalı Manuel Toreslə qarşılaşacaq.