Özbəkistanda keçirilən ənənəvi beynəlxalq şahmat turniri “UzChess Cup” sona yaxınlaşır.

Prosport.Az xəbər verir ki, “Challenge” bölməsində son tura bir tur qalmış qalib müəyyənləşib. Azərbaycan şahmatçısı Məhəmməd Muradlı 7 turda maksimum nəticə göstərərək birinci yeri təmin edib.

Aktivində 7 xal olan Muradlı sabah keçiriləcək son turda Özbəkistan təmsilçisi Caxongir Vahidovla qarşılaşacaq. Lakin nəticədən asılı olmayaraq, Azərbaycan şahmatçısı turnirin qalibi kimi yerini qoruyacaq.