"Qarabağ" ötən gün yeni mövsümün hazırlıqlarına start verib.

Prosport.Az qol.az-a istinadən xəbər verir ki, bir müddətdir zədədən əziyyət çəkən Bəhlul Mustafazadə və Musa Qurbanlı artıq sıraya qoşulub.

Hər iki oyunçu komanda ilə məşqlərə başlayıb. Zədəlilərdən yalnız Xoni Montiel hələ komandaya qoşulmayıb. O, iyunun 16-da komandanın düşərgəsində olacaq. Hazırda ölkəsi İspaniyada bərpa prosesini davam etdirir.

Qeyd edək ki, Bəhlul Mustafazadə adduktor əzələlərində və qasıq nahiyəsində yaranmış problem səbəbində martın 1-də, ayaq barmağı sınan Xoni Montiel mayın 1-də əməliyyat olunmuşdu. Dizində problem olan Musa Qurbanlı isə başa çatan mövsümün son oyunlarını buraxmışdı.