“Şəfa” növbəti transferini reallaşdırıb.

Prosport.Az xəbər verir ki, Bakı klubu müdafiəçi Arsen Ağcabəyovu heyətinə qatıb. 25 yaşlı futbolçu ilə 1 ilik müqavilə imzalanıb.

O, son olaraq “Şamaxı”da çıxış edib. “Sabah”ın da üzvü olmuş azərbaycanlı futbolçu müxtəlif vaxtlarda icarə əsasında “Səbail” və “Sumqayıt”ın formasını geyinib.

Qeyd edək ki, “Şəfa” daha əvvəl qapıçı Nicat Mehbalıyev və müdafiəçi Rauf Hüseynlini heyətinə cəlb edib.