Azərbaycan milli komandasının hücumçusu Renat Dadaşovun transfer dəyəri aşağı düşüb.

Prosport.Az xəbər verir ki, Almaniyanın transfermarkt portalının məlumatına görə, Dadaşovun qiyməti 500 min avrodan 400 min avroya (təxminən 785 min manat) enib.

27 yaşlı hücumçu ötən mövsümü Polşanın "Motor” klubunda keçirib və may ayının sonunda bu komanda ilə yollarını ayırıb.

Hazırda millinin düşərgəsinə yer alan Renat Dadaşov klubsuzdur.