Qadın futbolçulardan ibarət komandalar arasında dünya çempionatının seçmə mərhələsi çərçivəsində C Liqasının 3-cü qrupunda keçiriləcək Şimali Makedoniya – Azərbaycan oyununa hakim təyinatları açıqlanıb.

Prosport.Az xəbər verir ki, Bitola şəhərində baş tutacaq qarşılaşma Gürcüstandan olan hakimlər briqadasına tapşırılıb.

Oyunun baş hakimi Teona Sturua olacaq. Ona yan xətt hakimləri Elene Eloşvili və Sopo Tsulua kömək edəcək. Görüşün 4-cü hakimi funksiyasını isə Tamta Şenqelia yerinə yetirəcək.

Qeyd edək ki, Petar Miloşevski adına stadionda keçiriləcək Şimali Makedoniya – Azərbaycan oyunu sabah Bakı vaxtı ilə saat 21:00-da başlayacaq